طريقة القيمه 😍👇 المقادير : نص كيلو لحم عجل بدون عظم او شحم نص كيلو حمص مجروش هذا اليصير نص حبايه حبتين بصل ٦ ملاعق معجون ( نص علبه معجون اتوسا ام الفين ) البهارات 👇🏻 حبتين نومي بصره ٨ حبات هيل ملعقة كمون نطحنهم كلهم بالطاحونه بس النومي نوخر النوه منه لان يسوي المرك مره وتكدرون تضيفون دارسين بس اني ما احب اخلي الطريقه اول شي انكع الحمص تقريبا ٤ او ٥ ساعات وبعدها اسلقه ويا اللحم سوه على نار هادئه مدة ساعتين لحد ما ينهرسون وبعدها ادكهم لحد ما يصيرون مثل العجينه بجدر احمس البصل ومن يتحمر اضيف بهاراتي واحمسهم شوي واضيف المعجون احمسه زين حتى تطلع ريحته وبعدها اضيف اللحم والحمص الي دكيتهم واضيف شوي ماي وملح واخلي يفور على نار هادئه وبس تثخن اطفي عليها النار والف عافيه على قلبكم جربوها ودعولي #ام_علوش🍰 #طبخات_عراقيه🍰
August 10, 2021
Disclaimer
The data provides is not authorized by TikTok. We are not an official partner of TikTok.
Use of materials from the resource is permitted only with a link to our resource.
Contact