@skopjesenosi

class="content__text" ,,Како ги бирам личностите со кои се дружам? Е овде од неодамна сум на мислењето дека се 'мирисаме', едноставно луѓето со ист афинитет, желби, навики, стил на живот и облекување се привлекуваат, се препознаваат во толпата. Пример, насловна на 'Фејсбук' ми беше една слика во Центарот на Скопје, качена на мојот точак во еден раскошен цветен фустан. Е токму тој фустан нè спои со другарка ми Тања... Не се познававме, ми пиша во инбокс поставувајќи прашања за фустанот, јас ја поканив да дојде во моето маало за да ѝ го покажам бутикот каде што го купив, седнавме на кафе тој ден и веќе со години сме неразделни... Не се опишува моментот кога седнавме, како цел живот да сме се знаеле, приказни испреплетени на заеднички пријатели, на исти интереси, на љубов кон исти работи... не се опишува... едноставно се доживува. Сметам дека за да дружиш со некој треба со очи да се разбираш, како впрочем чувството што го имам јас со моите најблиски... каде не е потребно посебно долго договарање, едноставно една ќе предложи и сите сложни во втор момент веќе го правиме тоа. БЕСЦЕНЕТО ЧУВСТВО. Со Тања ни се има случено да купиме иста марама. Толку сличен вкус имаме велам не е можно. А и не само со неа, тоа ми се случува и со други луѓе со кои се дружам. Да дојдеме во слични тонови, во слични облеки... Како е можно! Ниту сме се договориле, ниту ништо". - @renata.ita #skopjesenosi

December 17, 2022