@haya_allll

انا عمري ٣٣ سنه وتقدم لخطبتي رجل عمره ٤٤ سنه متزوج يعني انا الثانيه .. ما تمنيته لنفسي والله و محزنتني زوجته الاولى بتتجنن مسكينه 😔 المهم انا وافقت بناء على كلام وصلني من قريبه ثقه ان الاولى موافقه وتم كتب كتابي واكتشفت انها مو موافقه للاسف يعني كذبت علي قريبتي من باب انها تبغا تفرح فيني ما تدري انها قطعتني الف قطعه انا ما احب أضيع حياتي انا انسانه ناجحه في عملي وعلاقاتي الحمدلله بكيت كثير وطلبت الطلاق وطلقني والان حاب يرجعني وهو متجنن علشاني يقول انه حبني من اول نظره وكلام طوييييييل يا بنات انا ما علي من هذا كله انا الان افكر هل ارجع له والا أعيش حياتي بالعزوبيه انا مو زعلانه بالعزوبيه بالعكس بس الستر زين لي خاصة اني للاسف من النوع اللي يغازل الشباب يعني ماخده راحتي معهم بس ابغا اعفي نفسي عنهم اعترف اني احب رجل تاني بس الطريق مسدود ولا يمكن يتم الزواج بيننا بسبب انه من دوله تانيه يعني مو سعودي وبنفس الوقت عندي شجاعه احارب الكل و أخده لكن ما اثق فيه احبه بس ما اثق فيه وهو يعشقني بجنون بس مو راضيه اثق فيه لأنة دكتور يعني اختلاط.. تعبت من التفكير 😔 وعنده علاقات سابقه بس حلف اني غيرته وصاير ما يشوف احد غيري بس مو مصدقته للاسف واعرف حياته كلها . عندي هذا الاسبوع فقط لازم اقرر ارجع والا ما ارجع علما انه طليقي كل يوم اتصل ورسائل و و و يبغا يرجعني ومتجنن عشاني وهو من العوائل الكبيره المعروفة يعني مننا وفينا انا قلبي معورني انه متزوج وكمان كبير لكن خلاص هذا الموجود رغم اني قادره أعيش مع اهلي معززه مكرمه واخرج واجي زي ما ابغا بس راح ترجع علاقاتي السابقه يعني حياتي ما تمشي بدون حب و سواليف مع الرجال .. تعبت ابغا احشم نفسي .. ما انكر كثير من اللي اعرفهم يبغوا زواج معلن على سنه الله ورسوله ومتمسكين فيني بس ما اثق فيهم اعرف داخلين على طمع . على طمع اقصد فيه سواء شكليا او وجدانيا يعني مو حب من قلب لا حب لعب وانا ما ابغا أضيع حياتي . اقسم بالله مو قادره اتخذ قرار اوافق وارجع للي شاريني وهو متزوج وما يعرف الماضي حقي وكبير ويحبني من قلب ومع الأيام يمكن ربي يغيرني وأقدر أبادله بالحب دا والا كيف وربي عقلي وقف

February 28, 2022