class="content__text" #باسطي 👌😋 . ك=كوب م ك=ملعقه كبيره م ص=ملعقه صغيره ليم=برتقال "للأخوة العرب" الليمون عندنا إسمه ليم قارص أو ليم عصري. المقادير: كل المكونات بدرجة حرارة الغرفه. الكوشه والعه من تحت بس ومسخنه على ٢٥٠ ف "١٨٠م". ٤ دحيات "بيضات". ٢ م ص إمية زهر. كوب سكر. ٣/٤ ك زيت. ٣/٤ ك حليب. ربع ك عصير ليمه بوصريه. قشور ليمه بوصريه كامله متوسطة الحجم. كوب ونص دقيق مغربل. رشة ملح. ٢ م ص بيكنج باودر. الطاجين يندهن بالزيت وينرش بالدقيق كويس. الكيكه خفيفه هلبا لو ما تغلفش الطاجين مليح بتلصق 👌. الطريقه: بالمضرب خلطت الدحي والسكر والزهر لين الخليط لونه يخف ويتكثف. بعدها نقصت سرعة المضرب ونزلت الزيت والحليب وعصير الليمه وقشورها وخلطت كويس. أخر شي غربلت الدقيق والملح والبيكنج باودر وضفتهم عالخليط وضربتهم على سرعة خفيفه. دهنت الطاجين مليح بالزيت ورشيت عليه دقيق. وصبيت فيه خليط الباسطي وخبطت الطاجين تخبطتين باش يطلع الهواء الزايد. دخلتها للكوشه ٤٠-٥٠ دقيقه المهم لين عود الأسنان يطلع نظيف من الباسطي. . وصحتين عالجميع 😊👋🏻.
March 02, 2023
Disclaimer
The data provides is not authorized by TikTok. We are not an official partner of TikTok.
Use of materials from the resource is permitted only with a link to our resource.
Contact